Институт ішкі саяси жағдайды және Қазақстан мен шет елдердегі әлеуметтік-экономикалық процестерді талдау мен болжауға байланысты ғылыми-қолданбалы зерттеулер жүргізуге маманданған. Қазақстан Республикасының ішкі саясат саласында шешім қабылдау барысында мүдделі мемлекеттік органдардың қызметіне аналитикалық және ғылыми-әдістемелік қолдау көрсетеді.
Институт халықаралық ғылыми байланыстарды нығайту, саяси және әлеуметтік ғылымдар саласындағы заманауи ғылыми тұжырымдамаларды, әлемдік саясаттанулық әзірлемелерді зерделеу бағытында белсенді жұмыс істейді. Магистранттарға арналған ғылыми-зерттеу практикалары мен тағылымдамалардың базасы ретінде қызмет атқарады. Институттың монографиялары мен басқа да басылымдары Қазақстан кітапханалары мен жоғары оқу орындарына таратылады.
Институт құрамында сандық және сапалық әдістердің толық кешенін қолданатын толық циклді зерттеулер жүргізетін социологиялық қызмет жұмыс істейді. Елдің барлық өңірлерінде (шамамен 200 адам) супервайзерлер мен интервьюерлердің жеке желісі бар. Шамамен 120 социологиялық зерттеу жүргізілді, сондай-ақ Қазақстандағы сайлау науқандары барысында экзит-полдар мен электоралдық көңіл-күйді өлшеу тәжірибесі бар.